關於剩餘飲料收集試驗計劃 (簡稱尿壺計劃) 我發覺本案疑點重重
首先你話因為乜乜77安全理由先要班菇將顏色飲料倒落廁所
點解呢種機飛左咁耐 內籠都改過成九千八百萬次啦 得閒搞d看不到未來永無休止姨歪都唔優先搞搞呢壇野?
咁即係話比全世界知呢個安全問題由始至終都一直存在但完全冇人出聲要正視佢?
喂! 雖則安全係方丈嘅2nd priority姐 都唔係咁兒戲搵人命黎較飛下話?
仲要當年連學堂呢d官方教學都教你野飲可以倒落星盤
諗諗下原來大家一直搵命搏緊都迷話唔心寒
如果方丈你話其實又冇咁嚴重... 我地搵人定期清潔就唔會影響飛行安全架喇~
咁你迷繼續搵人定期清潔囉 又要班菇幫你頂埋佢等你慳清潔費啊?
迷鬼用安全呢個冠冕堂皇嘅藉口黎掩蓋你孤寒嘅事實啦~
憑咩成日要同事為你行多步 而你又從來冇為我地嘅幸福籌謀過呢?
唔好下下用暫時性架咋 大家一齊共渡時艱呢d原因啦
平時d sup9 pattern仲比你姦唔夠咩?
"做多少少唔好咁計較啦~"
有時好怕d同事奴性咁重 人地再撻個安全理由出黎就即刻欣然接受
喂你都要諗下個理由合唔合理先得架?
4day歐美又話做多少少 J塔又話做多少少
份工錢就認真得少少喇
好喇好喇... 我乖乖地唔質疑你嘅動機啊下
但個尿壺計劃本身都存在好多漏洞
如果個廚房近廁所都話姐
有冇諗過要攞住個重甸甸溝埋哂唔同飲品同口水嘅尿壺走過漆黑同埋機關重重嘅機艙到達廁所係幾咁唔美觀同埋唔職安嘅事?
個廁所冇人用緊由自可 唔係你就要係門口攬住個尿壺等個客屙埋督屎
真係名符其實一個下人咁款
而期間亦都唔排除有其他客會問你攞被換耳機同要鑊打架bor
咁你抬住個尿壺打道回府? 定當抵押咁叫客幫你攞住個尿壺?
飛行安全唔單單指舊鐵架 同事們嘅安全亦都不容忽視
熱飲呢咁? 咖啡茶又倒埋落去啊? 個尿壺耐熱嘛? 尿壺耐熱又隔唔隔熱先? 比尿壺辣親點寫工傷報告啊? #shyshypig 唔係要我吹返凍壺咖啡先倒落去丫嘛? 台北馬尼拉就算成班菇一齊吹都會吹到缺氧架wor...
其實冇菇係會因為懶而漠視安全 大家都係想平安收工返屋企姐
我亦都明白菇們有責任維持航機安全
但牽涉到機件儀器呢d硬件問題方丈你可唔可以搵個專業而又折衷嘅方法去解決呢?
摸木講句如果個剎機系統壞左唔通你又靠班菇聰明笨伯咁踩停隻機佢咩?
方丈你唔顧班同事都諗下班客丫
唔諗班客同擔心下你收尾哥兩年丫
Search